Иван Перишиќ се очекува во следните неколку часа и официјално да биде претставен како нов играч на Тотенхем.
Хрватскиот репрезентативец, кој има одлична сезона во Интер, во 33-тата година од животот ќе игра во уште една од петте најсилни лиги, по Франција (Сошо), Германија (Борусија Дортмунд) и Италија.
Перишиќ доаѓа во клуб чиј тренер е Антонио Конте. Со италијанскиот стручњак работеше во миланскиот клуб, додека сега треба да стане едно од предвидените 6-7 засилувања на англискиот премиерлигаш.
Sky истакнува дека Тотенхем сака да доведе голман, стопер, крилен напаѓач, играч од средниот ред и напаѓач. Конте го стави Перишиќ на позиција бек во Интер во формација 3-5-2.
Новинарот на Sky, Лајал Томас објасни зошто Тотенхем го носи Перишиќ.
„Тотенхем ретко купува играчи над 30 години, но кога станува збор за слободен играч, има смисла. Пред сè, Конте го сака затоа што соработуваа во Интер, па ова е одлична можност да се покаже дека раководството на клубот го поддржува тренерот“, пишува Sky.
„Перишиќ е победник“
„Од фудбалска гледна точка, тоа има уште повеќе смисла. Перишиќ е искусен, на врвот на кариерата. Тој е победник. Лани ја освои Лигата на шампионите со Баерн и Серија А со Интер. И покрај неговата возраст, тој игра феноменално.Може да се користи на повеќе позиции. Конте го претвори во лев бек, но може да се натпреварува со Сон и Дејан Кулушевски на поофанзивни позиции.
Конте сака да додаде искусни играчи за да го направи Тотенхем конкурентен во сите натпреварувања следната сезона, а Перишиќ ќе му го донесе тоа“, заклучува Sky.
Да потсетиме, Конте доби дополнителни пари од сопственикот на клубот, кои ќе ги искористи за доведување на нови играчи.
