Каменот од блиску доаѓа: Вработени во Facebook помагале да се хакираат профили

По неодобреното користење на алатката за враќање на пристапот до профили, компанијата Meta отпушти или дисциплинираше повеќе од 20 вработени.

Вработените во Meta веќе извесно време имаат пристап до внатрешниот систем за враќање на кориснички профили. Употребата на оваа алатка драстично се зголеми во последните неколку години, овозможувајќи пристап за сè повеќе луѓе. Сепак, Марк Закерберг и неговата компанија се чини дека ја прекинуваат практиката, наводно поради злоупотреби во рамките на услугите за корисници на Facebook.

Како што пренесува Wall Street Journal, анонимни извори тврдат дека компанијата Meta отпуштила или дисциплинирала над 20 вработени за неправилно преземање кориснички профили минатата година. Во некои случаи, хакери поткупувале луѓе за да добијат пристап до туѓи профили.

Кога повеќето луѓе помислуваат на кражба на профил, веројатно замислуваат хакери кои користат тактики како фишинг, малвер и социјален инженеринг. Меѓутоа, во овој пример можеме да видиме дека методите може да вклучуваат поткуп на вработени за да украдат конкретни профили.

Некои инциденти вклучуваа помагање на пријатели и членови на семејството да ги вратат нивните профили на Facebook и Instagram, откако службата за помош на корисници не беше достапна преку официјалните канали. Сепак, имаше и помалку „другарски“ инциденти во кои поранешни вработени задржаа директен или индиректен пристап до оваа алатка, која ја користеа за пристап до корисничките профили.

Во еден пример, работник, кој беше отпуштен од Meta во 2021 година, им помагал на други да ги преземат профилите на Instagram откако тој ја напуштил компанијата. Поранешниот вработен тврдеше дека само им помагал на околу 20 пријатели и членови на семејството да го вратат пристапот до заклучените профили, по што Meta го блокираше од своите платформи и го тужеше за кршење на федералниот Закон за компјутерска измама и злоупотреба.

Посредниците заработувале и така што, благодарение на нивните врски со луѓе во компанијата, договарале преземање или вфраќање на профилите, што е спротивно на правилата за користење. Една манекенка, наводно, му платила на посредник 7.000 долари за да го врати пристапот до нејзиниот Instagram профил со 650.000 следбеници.

Во сржта на проблемот е алатката Online Operations, внатрешно позната како Oops. Оваа алатка требаше да се користи во екстремни случаи и не е наменета за обични корисници. Meta планираше да ја користи Oops само за да им помогне на познати личности, деловни партнери или пријатели и членови на семејствата на вработени. Употребата Oops значително порасна со растот на работната сила - помеѓу 2017 и 2020 година, бројот на Oops барања се зголеми повеќе од двојно, од 22.000 на 50.270.

Тагови
реклама

Лукот не е здрав за секого: Голем ризик за дури 4 групи луѓе

Read more

Večernji list: Македонската Струга е историско место за хрватскиот фудбал

Read more

Кои луѓе не смеат да пијат кафе?

Read more

Што е стрептококна инфекција од групата А, опасна за децата?

Read more

Вести

Како НАСА планира да ги врати луѓето на Месечината до 2024?

Read more

Конечно пронајдени остатоците од последниот тасмански тигар

Read more

ЕУ инвестира 43 милијарди евра во производство на европски чипови

Read more

Кој најмногу верува во вештерки, клетви и уроци?

Read more
 

Гик

Како бесплатна игра заработи 9 милијарди долари?

Читај повеќе
  • play_arrow

Како НАСА планира да ги врати луѓето на Месечината до 2024?

Читај повеќе

Корисниците во Европа ќе може сами да го поправаат својот iPhone

Читај повеќе

Кои се најпребаруваните поими на Google во 2022?

Читај повеќе
  • play_arrow

Конечно пронајдени остатоците од последниот тасмански тигар

Читај повеќе

ЕУ инвестира 43 милијарди евра во производство на европски чипови

Читај повеќе

Кој најмногу верува во вештерки, клетви и уроци?

Читај повеќе

Под супервулканот Јелоустоун има двојно повеќе магма отколку што се мислеше

Читај повеќе
  • play_arrow
  • filter

Армијата на САД избра замена за хеликоптерите Apache и Black Hawk

Читај повеќе