Повозрасните скопјани веројатно се сеќаваат каква новогодипшна атмосфера имаше порано на плоштадот во Скопје, кога и деца и возрасни чекаа на ред да се фотографираат со Дедо Мраз.
Пристигнувањето на Дедо Мраз беше спектакуларно, а плоштадот беше преполн со нетрпеливи дечиња.
И таква беше традицијата со години. Лани, за првпат откако Град Скопје организира новогодишни прослави, на плоштадот не дојде Дедо Мраз и немаше новогодишна програма за деца. Во 2021 година Град Скопје не организираше ниту програма за деца.
Бината и плоштадот беа празни, не се слушнаа детски песни, немаше новогодишна претстава.
За потсетување, единствениот Дедо Мраз беше од приватно фото студио кое имаше поставено штанд за фотографирање.
На Instagram профилот Retro Skopje можеме да се потсетиме на многу работи од минатотот на Скопје. Најновата објава ни покажува како изгледала новогодишната атмосфера на плоштадот во 1990 година.
„Дедо Мраз пристигнува со хеликоптер на плоштадот Маршал Тито во 1990“, стои во објавата.