Британската манекенка Кејт Мос и нејзината 18-годишна ќерка Лила прошетаа на иста модна писта на Модната недела во Милано.
Лила Мос прошета во бело-златен костим за капење, раскошна Fendi јакна, бела кожна чанта и златен накит кој блескаше под силното осветлување на пистата во палатата Versace.
Кејт носеше црн фустан со наметка украсена со златни шари.
Освен мајката и ќерката, италијанската модна писта спои и доста луксузни брендови. Уметничките директори на Fendi и Versace креираа колекции за двете компании.
Меѓу моделите кои прошетаа се Џиџи Хадид, Емили Ратајковски и Наомо Кембел, додека меѓу публиката беа ѕвезди како Елизабет Харли, Деми Мур и други.
