И додека целиот свет секојдневно воведува санкции на Русија и руските спортисти, во САД на еден Русин му е искажана голема почит.
УФЦ, некако тивко, објави дека Хабиб Нурмагомедов стана првиот Русин во Куќата на славните на најголемата ММА организација во светот.
Нурмагомедов е поранешен шампион во лесна категорија во УФЦ, а во Лас Вегас стана дел од елитниот круг борци кои можат да се сметаат за членови на Куќата на славните.
„Хабиб е еден од најголемите спортисти во историјата. Никој не беше доминантен како него и тоа што го постигна е за восхитување“, изјави Дејна Вајт од УФЦ.
Нурмагомедов, кој во ММА кариерата има забележано 29 победи од исто толку борби, официјално ќе биде награден овој јули на свечена церемонија.