Нови проблеми за норвешкиот голгетер.
Иако Борусија Дортмунд бара од Ерлинг Холанд да го избере клубот во кој ќе се пресели следното лето, сè уште нема вести на тој фронт, а една од главните причини е здравствената состојба на суперѕвездата Мино Рајола, што ги забави преговорите и одлуките на бараниот норвешки напаѓач.
Рајола на 12 јануари беше на планирана операција во Милано, а една недела подоцна повторно беше примен на одделот за интензивна нега поради компликации. Шпанските медиуми пишуваат дека нема значајни информации за неговата моментална здравствена состојба, иако се чини дека не е сериозно загрозена.
На Холанд му истече спонзорскиот договор
И додека тоа не е проблем за самиот Холанд, бидејќи веќе изјави дека го мачи притисокот од клубот и дека уште не сака да одлучи, норвешката гол-машина го чека опоравувањето на агентот за да започне друг тип на преговори - на крајот на 2021 година на Холанд му заврши спонзорскиот договор со Nike.
Шпанските медиуми пишуваат дека Холанд има понуда од Puma вредна 8 милиони евра годишно, а за соработка е заинтересиран и Adidas, но ништо конкретно не може да се помести додека во приказната не се вклучи Рајола.