Кинеско летало без екипаж вчера успешно влезе во орбитата на Марс, шест и пол месеци откако беше лансирано од Земјата, извести Кинеската вселенска агенција (CNSA) за својата прва независна мисија на Црвената планета.
Агенцијата објави дека леталото успешно забави до брзина при која беше привлечена од гравитацијата на Марс.
Лансирано во јули минатата година од Кина, вселенското летало Tianwen-1 ги испрати првите фотографии направени 2,2 милиони километри од Марс на Земјата минатата недела.
Во мај или јуни, вселенското летало Tianwen-1 ќе се обиде да испрати лендер со ровер тежок 240 килограми во седумминутно слетување во областа наречена Utopia Planitia на северната хемисфера на Марс.
Доколку ова слетување биде успешно, роверот со соларен погон ќе ја истражува површината на Марс 90 дена, проучувајќи ја неговата почва во потрага по знаци на древен живот. Исто така, со користење на специјален радар што продира под површината на тлото, ќе се испита дали има вода и мраз под него.
Tianwen-1, или „Прашања упатени до небото“, според името на кинеска песна напишана пред 2.000 години, е прва независна мисија на Кина на Марс по заедничкиот, но неуспешен обид со Русија во 2011 година да го спушти леталото во орбитата на Земјата.
Кинеската сонда е една од трите што месецов целт на Марс. Вчера, арапската сонда Hope испрати сигнал од орбитата на Марс, вчера тоа го направи кинеската, а на 18 февруари треба да пристигне американскиот ровер Perseverance.
Кинеската и арапската сонда ќе кружат околу Марс додека американскиот ровер ќе слета на Црвената планета.