Менаџерот на Ливерпул, Јирген Клоп побара прошка од навивачите на клубот по дебаклот од 3:0 против Брајтон на вчерашниот натпревар.
По последниот свиреж на судијата, Клоп излезе пред навивачите на Ливерпул и им се извини за многу лошата игра на неговите играчи, а тие го поздравија со аплауз и јасно е дека тој барем малку ги смири со тој гест.
Ливерпул во текот на сите 90 минути беше во целосно подредена позиција против Брајтон и иако на полувремето беше 0:0, на крајот примија три гола и доживеаја тежок пораз од крајно мотивираниот противник.
По 18 одиграни натпревари се наоѓаат на разочарувачкото деветто место на табелата со 28 освоени бодови, што е за 16 помалку од Арсенал кој има и натпревар помалку. На четвртата позиција на која моментно се наоѓа Њукасл им делат седум бода.
Во следното коло Ливерпул на „Енфилд“ го пречекува Челси, исто така клуб кој е во многу лоша форма и има три бода помалку од нив.
