Германскиот стратег денеска објави дека на крајот од сезоната ќе се збогува со тимот од „Енфилд“.
Завршува ерата на Јирген Клоп во Ливерпул. Славниот Германец денеска објави видео порака каде откри дека донел одлука да стави крај на неговиот престој.
Како причина за заминувањето од клубот, кој го води од крјот на 2015 година, наведе дека повеќе нема енергија.
„Ќе го напуштам клубот по крајот на сезоната. Можам да разберам дека ова е шок за многу луѓе во моментов, но можам да објасанам. Сакам навистина сѐ во овој клуб, но чувствувам дека немам веќе енергија“, рече меѓу другото Клоп, а видеото го објави самиот Ливерпул.
Откако седна на клупата на популарните „Редс“ во октомври 2015 година, успеа на клубот да му донесе 7 титули, меѓу кои и најважната за навивачите, онаа во Премиер лигата во сезоната 2019/2020, прва за тимот по цели 30 години. Воедно, ја освои и Лигата на шампионите во 2018/2019, а ги загуби финалињата во 2017/2018 и 2021/2022. По еднаш триумфираше во ФА купот, Комјунити шилд, Лига купот, УЕФА Суперкупот и Светското клупско првентсво.
Тоа е навистина крај на една ера.
Англиските медиуми веднаш почнаа да шпекулираат кој би можел да го наследи, а засега излегоа имињата на Шаби Алонсо, Стивен Џерард, Жозе Мурињо и Антонио Конте.