Јапонскиот ски-скокач Рјоју Кобајаши е победник на јубилејното 70-то издание на турнејата Четири скокалници. Тој на последниот натпревар од турнејата го освои петтото место што му беше доволно да биде вкупен победник.
Инаку, победник на завршницата синоќа во Бишофсхофен беше Даниел Хубер од Австрија со скокови од 136,5 и 137 метри, односно 286,8 бодови. Ова е прва победа за Хубер во Светскиот куп.
Второто место му припадна на Халвор Егнер Гранеруд од Норвешка со скокови од 136,5 и 136 метри и 282,4 бода.
Трет беше Карл Гајгер од Германија со 140,5 и 132 метра и 281,9 бода.
Генерален пласман на турнејата:
1. место Рјоју Кобајаши – 1.162,3 бодови
2. место Мариус Линдвик – 1.138,1
3. место Халвор Егнер Гранеруд 1.128,2
4. место Карл Гајгер – 1.123,6
5. место Маркус Ајзенбихлер – 1.117,6
