Apple традиционално ја објави својата годишна листа App Store Awards, која ги открива најдобрите апликации и игри во 2022 година.
Победниците во категоријата најмногу ги инспирирале корисниците да се вклучат подлабоко со светот околу нив, да ја прошират својата имагинација и да останат поврзани со пријателите и саканите.
Apple ја прогласи BeReal за најдобра апликација за iPhone во 2022 година. Станува збор за социјална мрежа која неодамна стекна голема популарност и ги поттикнува корисниците да се покажат во вистинско и искрено светло.
Gentle Streak е најдобрата апликација на Apple Watch оваа година, која им овозможува на корисниците да управуваат со различни параметри за фитнес или одмор.
GoodNotes 5 е најдобрата апликација за iPad, MacFamily Tree 10 е најдобрата апликација за Mac, додека ViX е прогласена за најдобра апликација Apple TV за 2022 година.
Кога станува збор за игрите, Apex Legends Mobile од Electronic Arts (EA) е најдобрата игра за iPhone во 2022 година.
