Истражувањето спроведено во САД покажало дека меѓу најпопуларните поклони за претстојните празници ќе бидат оние со логото на Apple. Во текот на празничната сезона ќе се купуваат многу поклони и за тоа ќе бидат потрошени милијарди долари.
Во САД, компанијата Piper Jaffray го направи традиционалното истражување за најпосакуваните поклони, а резултатите покажуваат дека број 1 поклон е Apple iPhone. Така дури 7,2 проценти од испитаниците рекле дека најпосакуван поклон за празниците и за нова година ќе биде популарниот смартфон на Apple.
Тоа е зголемување во однос на минатата година, кога ваков поклон посакуваа пет проценти од испитаниците, но таа бројка сепак е помала од 2014 кога iPhone посакувале 8,6 проценти од анкетираните.
На второто место е уште еден производ на Аpple - лаптопот MacBook, кој е најпосакуван поклон за 2,1 проценти од испитаниците.
Третата позиција и припаѓа на Microsoft XBox играчката конзола која ја посакуваат 1,4 проценти од испитаниците, додека останатите гаџети што луѓето ги посакуваат под елката се паметни часовници, PlayStation 4 конзоли, GoPro камери, беспилотни летала и слично.
Производите на Apple се најпосакувани меѓу тинејџерите, а неодамнешното истражување што го спровела компанијата покажува дека најголемиот број од младите посакуваат некој од моделите на iPhone како свој следен смартфон.