Пазарниот удел на брендот сега изнесува одлични 4,5 проценти, а Sandero моментално е вториот најпродаван автомобил во Европа.
Dacia е практично единствениот европски бренд кој се обидува да продава автомобили по пристапна цена и сепак успева во тоа. Продажбата во Европа силно расте, особено по обновувањето на дистрибуцијата на чипови.
Во Европа, во првите шест месеци од оваа година, продажбата е зголемена за 30 отсто во однос на претходната година, на пазар кој генерално пораснал за 18 отсто, соопштија од Dacia.
Пазарниот удел на брендот сега изнесува одлични 4,5 проценти, а Sandero е вториот најпродаван автомобил во Европа (почетната цена е 14.000 евра).
Сега доаѓа одговорот на прашањето колку чини просечно продадената Dacia. Просекот е околу 17.500 евра, а 70 отсто од европските купувачи се одлучиле за највисоките нивоа на опрема што се нудат во моделите.
Тоа е екстремно пристојна цена, ако земете во предвид дека, на пример, Dacia Sandero Stepway со 90 КС во средно ниво на Expression, чини токму толку.
Од друга страна, најскапиот Duster во Европа чини 25.900 евра, а најевтиниот 18.200 евра.
Интересно е и тоа што расте продажбата на електричниот модел Spring, а основната верзија сега чини 24.700 евра.
