Српскиот кошаркарски судија Александар Глишиќ се здоби со тешка повреда на натпреварот меѓу шпански Тенерифе и латвиски ВЕФ Рига во ЕвроКупот.
Глишиќ само падна во текот на играта, а веднаш им беше јасно на играчите околу него дека се работи за тешка повреда.
Српскиот судија ги скина вкрстените лигаменти и откако му беше укажана помош на теренот, на носилки беше изнесен од салата.
Сѐ се случи во третата четвртина од натпреварот. Глишиќ само се сопна додека се обидуваше да сигнализира неспортски фаул и додека сѐ уште беше во движење.
