Салатите како главно јадење се идеален оброк, особено во лето кога поради високите температури многу луѓе не сакаат тешка и мрсна храна.
Ладната салата со пилешко содржи совршен сооднос на месо и зеленчук, а по подготовката може да се чува во фрижидер ден-два, што ве спасува од готвење за време на горештините.
Потребни состојки:
- 150 гр пилешки гради
- 40 гр тестенини
- 2 тврдо варени јајца
- 3 листови зелена салата
- 50 гр авокадо
- 80 гр чери домати
- 2 лажици јогурт
- сушен магдонос
- сол
- бибер
- кокосово масло
Подготовка:
Пилешкото се сече на тенки парчиња, се зачинува со сол и бибер и се пржи на малку кокосово масло. Сварете ги тестенините, како и јајцата.
Авокадото и чери доматите исечкајте ги на коцки и ставете ги во сад. Додадете ја зелената салата исечена на помали ленти. Кога пилешкото и тестенините ќе се изладат, додадете ги во салатата. Тврдо варените јајца исечкајте ги на помали парчиња и додајте ги и нив.
Сè убаво измешајте, по потреба додадете сушен магдонос и сол и прелијте со две лажици јогурт.