Една навистина луда фудбалска приказна овој пат ни пристигнува од соседна Србија, каде се измамени челниците на второлигашкиот клуб Слобода.
Во фудбалскиот клуб Слобода минатата сезона пристигна играч од Зимбабве, кој, наводно, има искуство во играње во Манчестер Сити.
Станува збор за Чибаро Тинотенда, кој на челниците на клубот им се претстави како напаѓач, кој своевремено бил капитен во тимот до 21 година на Манчестер Сити, а како доказ приложи и фотографија на која се наоѓа во дресот на Сити.
Меѓутоа, на сликата, на кој не се гледа ниту лицето на фудбалерот, се покажа дека всушност не е тој.
„Играњето за Манчестер Сити беше одлично искуство кое ми помогна да се развијам и како играч и како личност. Играв со некои феноменални играчи, кои ме научија многу работи и ми помогнаа да станам фудбалер каков што сум денеска“, изјави 25-годишниот измамник пред неколку месеци.
На Википедија, луѓето од управата на клубот Слобода виделе дека одиграл 18 натпревари за шкотскиот прволигаш Климарнок.
Тој доби договор во Слобода и дури одигра седум натпревари.
Откако измамата беше откриена, Тинотенда, кој не се запиша во листата на стрелците, исфрлен е од клубот и не ја дочека новата сезона во Србија.
