Леброн Џејмс и Ентони Дејвис конечно одиграа натпревар адекватен на нивното реноме и веднаш му донесоа победа на Лејкерс, која ги остава во трка за плеј-офот.
Лос Анџелес Лејкерс гостуваше кај Шарлот Хорнетс и славеше со 124:118, со што ја забележа 27-та победа сезонава.
Леброн мечот го заврши со 26 поени, 4 скока и 7 асистенции, додека Дејвис забележа трипл-дабл со 26 поени, 15 скока и 11 асистенции.
Далас Маверикс ја совлада Филаделфија 76ерс на гостински терен со 118:102 благодарение на одличниот Кајри Ирвинг кој постигна 23 поени и 8 пати асистираше. Лука Дончиќ уфрли „само“ 19 поени со 8 скока.
Каваи Ленард уфрли 36 поени во 149:144 победата на Лос Анџелес Клиперс на гости кај Атланта Хокс, а одличен беше и Џејмс Харден кој имаше дабл-дабл учинок со 30 поени и 10 асистенции со само два скока до трипл-дабл ефект. Харден имаше и 100-постотна реализација 10/10 на слободни фрлања.
Кај Атланта дабл-дабл со 25 поени и 12 асистенции имаше Тре Јанг, Де'Андре Хантер уфрли 27 поени, а Дежонтеј Мареј 21.
Резултати:
Шарлот Хорнетс - Лос Анџелес Лејкерс 118:124
Кливленд Кавалирс - Сакраменто Кингс 136:110
Филаделфија 76ерс - Далас Маверикс 102:118
Атланта Хокс - Лос Анџелес Клиперс 144:149
Бруклин Нетс - Голден Стејт Вориорс 98:109
Њу Орлеанс Пеликанс - Торонто Репторс 138:100
Табела:
