Кошаркарите на Лос Анџелес Лејкерс го освоија првиот трофеј во НБА купот, откако во финалето на новото натпреварување ја совладаа Индијана Пејсерс со 123:109.
Ветераните Леброн Џејмс и Ентони Дејвис ги предводеа „Езерџиите“ до победата.
Ентони Дејвис блескаше со 41 поен, 20 скока и 5 асистенции, а на теренот мина 40 минути.
Џејмс оствари дабл-дабл учинок со 24 поени и 11 скока, а имаше и 4 загубени топки. Остин Ривс постигна 28, а Расел 13 поени.
За Пејсерс, Халибартон постигна 20 поени и 11 асистенции.
Леброн Џејмс е прогласен за најкорисен играч на НБА купот. Тој ги водеше Лејкерси и на претходните два натпревара, постигна 30 поени против Њу Орлеанс Пеликанс и 31 поен против Феникс Санс.
Леброн просечно бележеше 26,4 поени, 8 скока и 7 асистенции по меч во новото натпреварување.