Компир салатата подготвена на овој начин е одличен предлог за лесен ручек во топлите летни денови кога на организмот му треба што полесна храна.
Салатата со компири е многу популарна, а може да се јаде и како прилог, но и како посебен оброк. Најдобро оди со риба, а наш предлог е да направите компир салата со туна и шери домати. Брзо се подготвува, а и заситува.
Потребни состојки:
- 300 гр компири
- 1 виолетов кромид
- 1 лимон
- 60 гр маслинки
- 200 гр шери домати
- 160 гр туна
- маслиново масло
- сол
- бибер
- босилок
Подготовка:
Компирите сварете ги без да ги лупите, па откако ќе се изладат излупете ги и исцедете ги. Исечкајте ги на парчиња како за салата и ставете ги во сад за салата. Додадете процедена туна (за салатата да го задржи здравиот ефект не користете туна во конзерва со сончогледово масло, користете или во маслиново или во вода). Додадете и маслинки, шери домати исечкани на половинки и виолетов кромид исечкан на ребра. Потоа прелијте со маслиново масло и сок од лимон, посолете и побиберете па измешајте. На крајот украсете со свеж босилок.
