Lightyear е холандски концепт за електричен автомобил кој цели сериозно да им се закани на моделите на Tesla. Елон Маск ќе мора забрзано да смислува нови концепти бидејќи Lightyear е кола целосно придвижувана од сончева енергија.
Lightyear е седан на батерија на полнење која одново и одново ќе се полни со помош на сончева светлина и има проектирана издржливост до 800 километри. Компанијата вели дека во екстремно сончеви средини автомобилот може да помине повеќе месеци без полнење.
Овој концепт е шанса за воведување на електричните автомобили онаму каде се забранети поради нестабилни електрични мрежи. Сепак, колку и да звучи возбудливо, овој концепт треба допрва да се развива надвор од успешните демо и прототип верзии.
Холандскиот тим кој работи на Lightyear One тврди дека полнењето на овој автомобил е многу брзо и лесно и дека вклучување во струја од само еден час ќе го движи автомобилот околу четириесеттина километри.
Ваквиот тип на автомобил не е пионер во технологијата, факт што всушност ги охрабрува надежите за негова идна успешна реализација. Превите десет автомобили би биле готови до 2019, а околу стотина ќе бидат произведени до 2020.
Резервацијата на еден ваков автомобил чини 19.000 евра, а целосната вредност по производството ќе изнесува 119.000 евра.