Сопственик од Сент Луис одлучи да го продаде необичниот автомобил, а се работи за Dodge Viper во форма на лимузина.
За самата лимузина нема многу детали. Наведено е дека се базира на Dodge Viper од 1996 година, дека е долга 7,62 метра, како и дека има сјајни особини за возење.
Колку додатната должина и тежина влијаат на V10 моторот со 415 КС, ќе дознае новиот сопственик.
Цената на автомобилот изнесува 160 илјади долари, а тоа е зголемување за 25 илјади во однос на износот кој за оваа лимузина се бараше во август минатата година.
Важно е да се напомене дека нема кров, така што возењето доаѓа во обѕир само при поволни временски услови.
Иначе, лимузината има поминато помалку од 10 илјади километри.
