Нејзиниот дом, поради луксузот и убавината, ја краси насловната страница на летното издание на магазинот Architectural Digest.
Поранешната најдобра тенисерка во светот, 32-годишната Русинка Марија Шарапова, ги отвори вратите на нејзиниот луксузен дом во Лос Анџелес и откри колку била опседната со дизајнот на имотот и на домот.
Куќата на три ката има прекрасен поглед на море. Може да се пофали и со големиот базен, огромниот простор за забава, како и со куглана. Внатрешноста на домот е инспирирана од јапонската архитектура и естетиката на минимализмот, открива Шарапова.
„Не сум израсната со многу работи околу мене. За мене уредното воедно е и здраво. Ако нешто не го користите, не ви треба тоа. Имам патувано низ светот и сум уживала во неверојатни простори. Но, мојот дом е мојот апсолутен фаворит. Мислам дека така треба и да биде“, додава Марија.