Лионел Меси (36) со одлична партија на отворањето на сезоната во МЛС го предводеше Интер Мајами до победа од 2:0 над Риал Солт Лејк.
За клубот на Бекам дебитираше и пријателот на Меси, Луис Суарес, а токму двајцата поранешни соиграчи од Барселона ја одиграа акцијата по која Диего Гомес го постигна вториот гол за Мајами.
Веќе во 6. минута Меси предизвика овации кога се ослободи од двајца противници со тоа што на едниот му ја турна топката низ нозе, а потоа во нова акција го намести првиот сезонски гол во МЛС, кој беше дело на финскиот репрезентативец Роберт Тејлор во 39. минута.
Неговиот следен мајсторски удар стана хит на социјалните мрежи кога кон крајот на првото полувреме во налет го мина противникот од десната страна и се упати кон средината.
Меѓутоа, на работ од шеснаесетникот налета на противнички играч кој беше повреден и се грчеше на тревата, по што следеше магијата на Меси.
Го го мина повредениот противник така што ја поткопа топката префрлајчи ја преку него, па се ослободи од друг ривал, но третиот му влезе во неговиот удар.
Последниот голем потег Меси го направи во финишот на натпреварот кога во долг трк ја внесе топката во опасната зона, одбивајќи го налетот на противниците, а потоа во 83. минута му додаде на Суарес кој му асистираше на Парагваецот Диего Гомес за конечните 2:0.
