Селекторот на „Аѕурите“ претера со списокот на кој ги испиша имињата на дури 37 фудбалери, четворица од нив голмани, за претстојните натпревари од Лигата на нации.
Италија новата сезона од Лигата на нации ја почнува на 4 септември на домашен терен во Фиренца против селекцијата на Босна и Херцеговина, додека три дена подоцна гостува во Амстердам кај Холандија.
Иако во прашање се само два натпревара, селекторот Роберто Манчини објави список со дури 37 повикани играчи. Најмногу фудбалери се повикани од редовите на Интер и Рома, по 6, а 4 се од шампионот Јувентус. Само тројца на списокот играат надвор од Серија А.
Иако викна дури 37 играчи, на списокот не се најде место за креативецот Марко Верати од ПСЖ, како и за дефанзивецот на Милан, Алесио Ромањоли.
Проблем настана со двајца фудбалери и тоа поради коронавирусот. Жоржињо од Челси и Тонали од Бреша мораа да заминат во изолација откако во нивните тимови излегоа позитивни фудбалери со кои двајцата имале контакт. Дополнително ќе биде одлучено дали ќе бидат во комбинација за настап или ќе отпаднат, а во меѓувреме нема да тренираат со репрезентацијата во Коверчано тренинг-центарот.
Голмани:
Алесио Крањо - Каљари
Џанлуиџи Донарума - Милан
Алекс Мерет - Наполи
Салваторе Сиригу - Торино
Одбрана:
Франческо Ачерби - Лацио
Алесандро Бастони - Интер
Кристијано Бираги - Интер
Леонардо Бонучи - Јувентус
Матија Калдара - Аталанта
Џорџо Кјелини - Јувентус
Данило Д'Амброзио - Интер
Џовани Ди Лоренцо - Наполи
Алесандро Флоренци - Рома
Џанлука Манчини - Рома
Лука Пелегрини - Јувентус
Леонардо Спинацола - Рома
Средина:
Николо Барела - Интер
Џакомо Бонавенура - без клуб
Гаетано Кастровили - Фиорентина
Брајан Кристанте - Рома
Жоржињо - Челси (Англија)
Роберто Гаљардини - Интер
Мануел Локатели - Сасуоло
Лоренцо Пелегрини - Рома
Стефано Сенси - Интер
Сандро Тонали - Бреша
Николо Ѕаниоло - Рома
Напад:
Андреа Белоти - Торино
Федерико Бернардески - Јувентус
Франческо Капуто - Сасуоло
Федерико Кјеза - Фиорентина
Стефан Ел Шаарауи - Шанхај Шенхуа (Кина)
Чиро Имобиле - Лацио
Лоренцо Инсиње - Наполи
Моис Кин - Евертон (Англија)
Кевин Лазања - Удинезе
Рикардо Орсолини - Болоња
