Многумина веројатно ги изненади потегот на Антони Марсијал кога ги одбио понудите на Јувентус и Барселона за да потпише за Севиља. Сега, објасни зошто постапил така.
Францискиот напаѓач имаше проблем со минутажата која ја добиваше сезонава во Манчестер Јунајтед, па се одлучи во јануарскиот преоден рок да ги промени клупските бои.
За неговите услуги беа заинтересирани великаните Јувентус и Барселона, но тој замина во Севиља.
„Вистина е, Јувентус проба да ме донесе. Зборуваа со мојот агент, но му реков дека ја претпочитам Севиља. Тоа беше најдобрата опција за мене и за моето семејство“, вели Французинот во интервју за Diario de Sevilla.
„И Барселона имаше разговори со мојот агент, но само еднаш бидрејќи мојот приоритет беше Севиља. Не се предомислив. Секогаш си го одржувам зборот кога некому кажувам нешто“, додаде.
Ни Јуве ни Барса на крајот не останаа со празни раце бидејќи „Старата дама“ го доведе Душан Влаховиќ, додека Каталонците потпишаа со Пјер-Емерик Обамејанг.
Марсијал дојде во Севиља како позајмен до јуни, а клубот ќе може да го откупи на лето. Позајмицата ќе ги чини Андалузијците 5 милиони евра, а доколку се решат да го откупат ќе треба да искешираат значително поголема сума која зависи и од остварувањата на Французинот на „Санчес Писхуан“.
