Секојдневно ја изложуваме косата на штетни, надворешни фактори кои придонесуваат за нејзино дополнително оштетување. Но, не се само загадувачите од нашата средина, и ние со нејзиното третирање придонесуваме дополнително оштетување со употреба на бројни препарати и различни третмани.
Оштетената коса не може да се поправи, но може да ѝ помогнете подобро да изгледа до следното одење на фризер. Овој рецепт за маска за коса се состои од само две состојки: банана и маслиново масло.
Значи, потребни ви се 1 зрела банана и една лажица маслиново масло.
Подготовка:
Изгмечете ја бананата со виљушка и додадете го маслиновото масло. Измешајте убаво додека не добиете изедначена маса без грутки. Смесата треба да биде пенлива и кремаста. Нанесете ја низ должината на целата коа и оставете да делува 15 минути. Потоа темелно исплакнете со млака вода.
Бананата природно ја влажни и хидрира косата. Калиумот што се наоѓа во бананата помага при подобрување на квалитетот на косата и нејзината pH вредност. Маслиновото масло служи косата да изгледа посјајно и поздраво.
