Француската ѕвезда Килјан Мбапе се обиде да го амортизира најновиот шок што се појави во медиумите во Франција, а веднаш потоа го обиколи и целиот свет, дека напаѓачот го известил ПСЖ дека нема да го продолжи договорот.
Le Parisien објави дека ПСЖ веќе размислува за продажба на Мбапе и дека клубот му поставил услов за нов договор, или во спротивно веднаш ќе биде продаден уште ова лето.
„Лаги. Веќе реков дека и следната сезона ќе играм во ПСЖ каде што сум среќен“, објави Мбапе на социјалните мрежи.
Сепак, француските медиуми потенцираат дека и покрај неговиот став, ултиматумот на ПСЖ е поставен и разврската ќе следи во наредните десетина дена.