Аргентинскиот капитен Лионел Меси, кој вечерва ја предводеше својата репрезентација до титулата светски првак, е прогласен за најдобар фудбалер (МВП) на Мундијалот 2022 во Катар.
Меси, кој претходно навести дека ова ќе му биде последен Мундијал, вечерва со два гола ја предводеше Аргентина до триумф во големото финале над Франција на пенали со 4-2 (2-2) и го освои единствениот трофеј што му недостасуваше во богатата кариера.
Со солзи радосници славеше со фудбалерите на Аргентина, пред почетокот на Мундијалот најави дека ова ќе му биде последно натпреварување во дресот на Аргентина.
Најдобар стрелец на Мундијалот е репрезентативецот на Франција, Килјан Мбапе, со осум голови, од кои три постигна во финалето.
Меси го заврши Мундијалот на второто место на листата стрелци со седум голови, пред Оливие Жиру (Франција) и сонародникот Хулијан Алварес со по четири голови.
За најдобар голман е прогласен аргентинскиот чувар на мрежата Емилијано Мартинес, а наградата за најдобар млад фудбалер му припадна на уште еден Аргентинец – Енцо Фернандес.