Меси по осмата Златна топка: Задоволство што никогаш нема да ме остави

Аргентинскиот фудбалер Лионел Меси (36) по осми пат во кариерата ја освои најпрестижната индивидуална награда во фудбалот - Златната топка која се доделува на најдобриот светски фудбалер во изборот на францускиот магазин France Football уште од далечната 1956 година.

Церемонијата на доделувањето на Златната топка 2023 се одржа во театарот „ду Шатле“ во Париз, а Меси славеше пред Норвежанецот Ерлинг Холанд и Французинот Килјан Мбапе.

По освојувањето на Светското првенство со Аргентина минатата година, 36-годишниот играч долго време беше фаворит за овогодинешната награда, и покрај тоа што Холанд го собори рекордот на голови во Премиер лигата и ја освои Лигата на шампионите со Манчестер Сити.

Одлучувачки фактор за Меси да ја освои осмата Златна топка беше Мундијалот што го освои со Аргентина, а покрај тоа ја освои и француската Лиг 1 и Суперкупот со ПСЖ, постигнувајќи 38 гола и 25 асистенции на 54 натпревари.

„Благодарам на сите што гласаа за мене, на сите луѓе кои ми овозможија да ја освојам оваа награда. На моите соиграчи во репрезентацијата, тренерот и репрезентативците. Честитки за Холанд, Килјан и сите. Беше спектакуларна година“, почна Меси по освојувањето на наградата

„Задоволство што никогаш нема да ме остави и се надевам дека ќе уживам уште многу години. Овој Мундијал беше тиутулата што ми недостасуваше. Благодарам на моето семејство, мојата сопруга која беше покрај мене од почетокот на мојата кариера и која ми овозможи да ги остварам моите соништа. Без неа немаше да успеам“, изјави Меси кој призна дека никогаш не помислил дека ќе има толку блескава кариера.

Меси претходно ја освои Златната топка во 2009, 2010, 2011, 2012, 2015, 2019 и 2021 година. Така, Аргентинецот остана играч со најмногу златни топки (8), Кристијано Роналдо има 5, а Мишел Платини, Јохан Кројф и Марко ван Бастен по 3.

Конечниот пласман за Златната топка 2023: