Фудбалерите на Аргентина ја победија Венецуела со 3:0 во квалификациите за Светското првенство. Николас Гонсалес, Анхел Ди Марија и Лионел Меси погодија за Аргентина, која веќе имаше обезбедено пласман на Мундијалот.
Против единствената екипа на КОНМЕБОЛ која никогаш не се пласирала на Мундијал, Аргентина поведе во 35. минута по комбинација во која асистент беше Родриго Де Паул, а стрелец Гонсалес. Таа ја заврши работата во интервал од 79. до 82. минута.
Ди Марија погоди во 79. минута, само девет минути откако влезе во игра, а потоа му асистираше на Меси за конечни 3:0. Меси не ја зафати добро топката во акцијата на голот, но успеа да го измами противничкиот голман и да ја испрати до него.
Со овој резултат Аргентина ја продолжи серијата од 30 натпревари без пораз. Венецуела загуби по десетти пат во последните 12 натпревари.
