Microsoft повторно ја намали цената на својата конзола Xbox One на само 226 евра што претставува трето намалување во само два месеци. Промената на цената на конзолата доаѓа пред претставувањето на новиот Xbox One S кој во продажба ќе биде пуштен на 2 август.
За цената од 226 евра, Xbox One ќе доаѓа со 500 GB меморија, и со игри како што се Gears of War: Ultimate Edition, Quantum Break, Forza Motorsport 6, Rise of the Tomb Raider и Rare Replay.
Поевтинувањето прво ќе се примени на страниците како што е Amazon, а оваа цена ќе трае се додека не се потрошат залихите.
Xbox One не беше успешен ако се спореди со главниот конкурент Sony PlayStation 4. Додека Sony продаде повеќе од 40 милиони примероци од конзолата, Microsoft ги крие своите податоци, иако EA објави бројка од 19 милиони продадени конзоли до јануари оваа година.
Од друга страна, новата верзија на конзолата на Microsoft ќе биде 40 проценти помала од One, а ќе се разликува и според редизајнираниот хардвер. На крај на се, Microsoft за следната година ја подготвува конзолата Xbox Scorpio, па мали се шансите дека One ќе продолжи да се произведува.