Со гол во судиското надполнување Милан го победи Лацио и успеа да го задржи првото место пред налетот на Интер во последното коло од Серија А пред мини-паузата.
Интер со 2:1 славеше на гостувањето во Верона со головите на Лаутаро Мартинес во 52. и Милан Шкринијар во 69. минута со што за момент изби на првото место пред Милан да го одигра својот натпревар. За домашните, 19-годишниот Србин Иван Илиќ израмни на 1:1 во 63. минута по кикс на голманот Самир Хандановиќ. „Нераѕурите“ се во одлична форма во Серија А со седум победи во серија.
Милан имаше многу потешка задача бидејќи на „Меаца“ го пречека Лацио. „Росонерите“ имаа фуриозен почеток кога со головите на Анте Ребиќ во 10-тата и на Хакан Чалханолу од пенал во 17-тата поведоа со 2:0.
Но, Лацио успеа да израмни. Прво Чиро Имобиле промаши пенал во 28. минута, но на одбиената топка налета Луис Алберто, а во 59-тата Имобиле заби за 2:2.
Во втората минута од надополнувањето Тео Ернандес по еден корнер со глава ја затресе гостинската мрежа за огромна радост во редовите на „Росонерите“, за победа со која Милан се врати на првото место.
Наполи киксна дома против Торино кој од 56. минута имаше водство преку Армандо Ицо, а „Партенопеите“ израмнија дури во надополнувањето со голот на Лоренцо Инсиње. Нашиот Елиф Елмас почна од клуоата, но влезе во игра во 30. минута на местото на повредениот Диего Деме и го одигра остатокот од натпреварот.
На терен беше и Горан Пандев кој под новиот тренер Давиде Балардини почна од првата минута на гостувањето кај Специја. Домашните поведоа во 10. минута преку М'Бала Нзола, но шест минути подоцна Пандев го проигра Матија Дестро за израмнување. Во 73. минута гостинскиот капитен Доменико Кришито реализираше од белата точка, а веќе наредната минута Пандев беше заменет. Сѐ на сѐ, и тоа како важна победа за неговата Џеноа, само втора сезонава.
И третиот Македонец во Серија А синоќа доби минутажа. Илија Несторовски беше на клупата кај Удинезе кој загуби дома од Беневенто. Во 9. минута Џанлука Капрари погоди за гостите, а откако домашните се мачеа да дојдат до израмнувањето во 73. минута Несторовски беше ставен во игра, но ни тој не помогна. Само четири минути подоцна Гаетано Летиција го дуплираше водството за конечни три бода на „Вештерките“. Несторовски имаше еден обид со глава, но биеше премногу млако и голманот лесно одбрани.
Победа синоќа оствари и Рома која со 3:2 го совлада незгодниот Каљари. Жордан Верету во 11. минута донесе водство за Рома пред Жоау Педру да израмни во 59-тата. Потоа во 71. и 77. минута Един Џеко и Џанлука Манчини обезбедија пристојна предност за „Волчицата“, а во надополнувањето Жоау Педру од белата точка само го ублажи поразот.
Табела на полусезона:
*Јувентус, Аталанта, Наполи и Удинезе имаат натпревар помалку.
