Баварците капитулираа во три наврати, но нивната одбрана немаше да биде на тапет доколку нападот синоќа беше на висина на задачата, смета напаѓачот на актуелниот бранител на титулата.
Томас Милер го обвини нападот на неговиот тим за вчерашниот пораз на домашен терен во првиот четврфинален натпревар во Лигата на шампионите од страна на ПСЖ. Нападот чиј дел 90 минути беше самиот тој и кој учествуваше со еден гол во поразот од 2:3.
„Мора да постигнуваме и тоа како повеќе голови. Се разбира, секогаш можеме да ги дискутираме примените голови, но да завршеше 6:3 за нас никој немаше да се жали“, коментира Германецот за Sky Sports.
Сега Берн ќе мора да брка победа во Париз на реваншот наредниот вторник, што нема да биде лесна задача со оглед на големиот број на примени голови на домашен терен.
„Тоа е што е, сами сме си криви. Сега мораме да бркаме дефицит“, дополнува стрелецот на голот за израмнување на 2:2 во 60-тата минута.
Милер сепак смета дека грешките во одбраната не биле најголемиот проблем за Баерн.
„Па и не грешевме до толку. Доколку го разбудевме оној убиствен инстинкт во нападот кој нѐ разликува од останатите, тогаш ќе гледавте тотално различен натпревар“, вели Милер.
„Она што е јасно е дека никогаш не можете целосно да го запрете нападот на ПСЖ. Гаиме напаѓачки стил на игра, затоа постигнуваме многу голови, затоа победуваме многу натпревари, но овој пат промашивме куп одлични шанси“, искрен е тој.
