Македонската фудбалска репрезентација за играчи до 21 година утринава на жрепката во швајцарски Нион ги дозна противниците на патот кон младинското Европско првенство 2025.
Согласно рејтингот, УЕФА ја смести Македонија во барабанот 4 заедно со Босна и Херцеговина, Бугарија, Унгарија, Турција, Велс, Белорусија, Северна Ирска и Албанија, репрезентации со кои не можеше да се падне во иста група.
Фортуната ја смести Македонија во групата Ц заедно со Гибралтар, Молдавија, Грузија, Шведска и Холандија.
Младинското ЕУРО во 2025 година ќе се одржи во Словачка. Квалификациите почнуваат веќе наредниот месец, а ќе завршат во октомври 2014 година. Баражите се во ноември истата година.
Победните на деветте групи директно ќе се пласираат на завршницата, заедно со трите најдоброрангирани второпласирани репрезентации. Останатите 6 второпласирани ќе играат бараж за последните три места. Домаќинот Словачка е автоматски пласирана.
