По заслужената прослава за освоената титула светски првак, Лионел Меси беше изненаден од неговата мајка која се појави на теренот на стадионот Лусаил.
Меси во финалето ја предводеше Аргентина до светската титула со победа над Франција, а потоа следуваше заслужената прослава.
Првин Меси славеше со соиграчите, дури и се расплака. Кога емоциите стивнаа, Лео се соочи со многу големо изненадување.
Неговата мајка, за која не ја очекуваше дека ќе дојде на терен, му притрча во прегратка, а сцените кои следеа брзо го обиколија светот.
Селија Марија Кучитини не можеше да се воздржи во прегратките на својот син, па заплака.
На теренот им се придружија Тиаго и Матео, синовите на Меси.
