Смартфоните во денешно време се со многу поубав дизајн од претходно, со одлични спецификации, но се кршат многу лесно. Можеби е време да се промени тоа, а Motorola најдобро знае како.
Помина повеќе од една деценија откако Motorola го лансираше моделот Defy – едниот од првите вистински издржливи телефони во светот.
Целта на новиот модел е да биде издржлив во секакви услови, но посветено е внимание на дизајнот. На предната страна се наоѓа селфи камерата од 8 MP сместена на врвот на 6,5-инчниот HD+ дисплеј кој го штити Gorilla Glass Victus.
На задната страна се наоѓа главната камера од 48 MP, сензорот за длабочина од 2 MP и макро камерата од 2 MP. Го движи Snapdragon 662 процесор. Има 4GB меморија и батерија од 5.000 мAh.
Motorola Defy е водоотпорен на длабочина од 1.5м, за 35 минути. Куќиштето е отпорно на песок, прашина, влажност и магла.
Сe продава по цена од 322 евра/279 долари.
