Адвокатите побараа максимална казна од 12 години затвор за поранешната бразилска фудбалска ѕвезда Дани Алвес (40), обвинет за сексуален напад.
Алвеш ќе се соочи со судење за наводен напад на жена во ноќен клуб во Барселона на 30 декември. Истражниот судија во август му поднесе обвинение, а судот тогаш изјави дека има доволно докази за судењето кое се очекува следната година. Поранешниот дефанзивец на Барселона ги негираше обвинувањата и од јануари е во притвор.
Обвинителите, исто така, побараа Алвес да ѝ плати отштета од 150.000 евра на жртвата и да му се забрани каков било контакт со неа во следните десет години. Тие исто така сакаат Алвес да остане под надзор една деценија по отслужувањето на затворската казна. Сите барања за кауција на Алвес беа одбиени бидејќи судот сметаше дека постои ризик од негово бегство.
Алвес има 42 титули во кариерата, вклучувајќи три Лига на шампиони со Барселона и две Копа Америка со Бразил. Тој е еден од најдобрите десни крила во историјата, а играше и за бразилската Баија, Севиља, Јувентус, ПСЖ, Сао Паоло и мексиканскиот УНАМ Пумас.
