На Германија ќе ѝ бидат потребни околу 400.000 квалификувани имигранти годишно за да го надомести недостатокот на работна сила, наведе германската Федерална агенција за вработување (BA).
„Не се работи за апсолутен азил туку за таргетирана миграција поради пополнување на дупките на пазарот на трудот“, изјави шефот на Агенцијата Детлеф Шел за Suddeutsche Zeitung.
Тој изјави дека насекаде ќе владее недостаток на квалификувана работна сила, од работници за клима уреди до негувателки, академици и слично.
Ја отфрли можноста за противење и отпор кон миграцијата како решение за работната сила, бидејќи на Германија и е потребна работна сила.
„Германија би можела да го реши проблемот со квалификување неквалификувани работници и луѓе кои поради технички промени ја изгубиле работата, но пред сè со доведување имигранти“, вели тој.
Недостатокот на работна сила е клучно прашање со кое ќе треба да се занимава новата влада по сојузните избори во септември, додаде тој.
