Шпанскиот тенисер Рафаел Надал, зборувајќи за ситуацијата со Новак Ѓоковиќ, порача дека ниту еден тенисер не е над турнирот.
Како што истакна, секој го бира својот пат, иако не се сложува за одредени работи со српскиот тенисер.
„Во овој случај има многу прашања кои бараат одговори и се надевам дека наскоро ќе се разјаснат. Секој го бира својот пат, нему му посакувам се најдобро. Го почитувам како личност и како спортист иако не се сложувам со него околу многу работи кои ги направи во последните неколку недели“, изјави Надал.
Тој додаде:
„Јано е дека Новак Ѓоковиќ без сомнежи е еден од најдобрите тенисери во историјата, но ниту еден играч не може да биде над турнирот и натпреварувањето. Тенисерите доаѓаат и си одат, потоа доаѓаат нови, па така е и со мене, Роџер или Новак или Бјорн Борг кој беше одличен во своето време. Австралија Опен е многу поважен од кој било играч“, порача легендарниот Шпанец.
Тој смета дека е во ред ако Ѓоковиќ игра, но и ако не игра Австралија Опен ќе биде одличен турнир со или без него.
Надал со Ѓоковиќ и Роџер Федерер држи рекорд со освоени 20 Грен слем титули.