Новата графичка картичка GTX Titan 1080 Ti на Nvidia e првата GeForce графичка која е побрза и од Titan X.
Во време кога AMD сè повеќе крева фама околу својата нова Vega графика која би требало да биде закана за Nvidia, не спие ниту Nvidia - па ја лансираше својата најбрза GPU досега, базирана на Pascal архитектура. Новата графика доаѓа во облик на графичката картичка GTX Titan 1080 Ti која се очекуваше подолго време, а според тврдењата на Nvidia нуди дури 35% подобри перформанси во однос на GTX 1080, со што станува најбрзата графичка картичка за гејминг во светот.
Графичката доаѓа со 11 GB GDDDR5X меморија со 11 Gbps, 3.584 CUDA јадра и чип базиран на FinFET работен процес со 12 милијарди транзистори. Покрај ова, графичката има и нов “vapor chamber” систем за ладење со двојно повеќе контактна површина и напојување во седум фази.
Нејзиното претставување кое го одржа основачот и прв човек на Nvidia, Џен Хсун-Хуанг можете да го погледнете во видеото подоле:
GTX Titan 1080 Ti ќе биде достапна на пазарот од 10-ти март, во ограничената Founders едиција, по препорачана цена од 699 долари.
