Најдобрата руска тенисерка објави фотографија со девојката и откри дека е лезбејка. Дваесет и петгодишната Касаткина за првпат јавно проговори за нејзината сексуална ориентација во разговор со рускиот блогер Витја Кравченко.
Во разговор со Кравченко, Касаткина изрази поддршка за руската фудбалерка Надја Карпова која неодамна соопшти дека е лезбејка. Кога беше директно прашана дали е во врска со девојка, Касаткина одговори потврдно.
„Да, моментално имам девојка. Многу е тешко да се живее во тајност, бесмислено е. Целосно ќе се фокусираш на тоа кога е идеално да признаеш тоа што си. Се разбира, од самиот тебе зависи како ќе го направиш тоа и колку ќе кажеш“, одговори младата тенисерка.
Дарја Касаткина најдобар пласман имаше во октомври, 2018 година кога беше десетта тенисерка во светот. Нејзин најголем успех на Грен слемовите е полуфиналето на Ролан Гарос годинава.
Вчера ја објави првата фотографија со девојката Наталија и доби бројна поддршка од обожавателите.