Жена на 113 години, која се смета за најстарата во Шпанија, беше пуштена од болница откако се опорави од COVID-19.
Марија Бранјас била дијагностицирана со коронавирусот откако Шпанија влезе во карантин во март. По неколку недели во изолација Бранјас оздраве, надминувајќи ја болеста само со неколку благи симптоми.
Таа ја има преживеано Првата светска војна, пандемијата во 1918-19, Шпанската граѓанска војна од 1936 до 1939 година, Втората светска војна, а сега и пандемијата на коронавирус.
„Сега е подобро и е прекрасна, сака да зборува, да објаснува, да се навраќа, да анализира, се врати на старата себе“, објави ќерка ѝ на Twitter.
Марија Бранјас е родена во Мексико во 1907 година и се преселила во Сан Франциско две години подоцна, а во каталонската провинција Жирона дошла за време на Првата светска војна со татко ѝ, кој бил шпански новинар. Марија има три деца, 11 внуци (од кој најстариот има 60 години) и 13 правнуци.
Веќе две децении живее во дом за нега на стари лица во градот Олот.
Во разговор со La Vanguardia лани изјави: „Секогаш го живеам животот со полни гради“.
