НАСА за во четврток најави посебна конференција за новинари, а научната јавност и медиумите шпекулираат дека станува збор за докази за постоење на некој облик на вонземски живот, или пак за податоци околу откритие на ново настанати планети.
Некои извори пренесуваат дека станува збор за податоци добиени од телескопот Кеплер, но без детали околу тоа што е пронајдено.
Кеплер досега оствари бројни откритија – летово пронајде десет планети слични на Земјата кои можат да поддржуваат живот.
Вселенскиот телескоп помина една година проучувајќи ја галаксијата во потрага по докази за вонземски живот.
Досега, Кеплер идентификуваше 4.034 кандидати за планети, а во 2.335 случаи беше потврдено дека станува збор за егзопланети.
Од тие, триесет планети се со величина на Земјата и орбитираат околу своите ѕвезди.
Кеплер во мисијата, која започна во 2009 година, оствари значајни откритија во другите галаксии.
