Натпреварот од 17. коло од Француското фудбалско првенство помеѓу ПСЖ и Монпелје закажан за 8 декември е одложен.
Од Лига 1 објавија дека одлуката била донесена на барање на полицијата во Париз.
Во Франција, во последните три недели се протестира против зголемувањето на цените на горивото, поради што беа мобилизирани дополнителни полициски сили.
Движењето „жолти елеци“ најави нови масовни протести за во сабота, па полицијата побара одложување на натпреварот, бидејќи нема да можат да ги покријат безбедносните мерки околу него.
Не е закажан нов датум за одигрување на мечот.