Францускиот фудбалски клуб Ница поднесе тужба против неколку лица за снимање филм за „возрасни“ за време на неодамнешниот првенствен натпревар против Лил, објавија локалните медиуми, цитирајќи ја официјалната потврда на клубот.
Инцидентот, за кој се вели дека го нарушил имиџот на клубот, се случил во тоалетот на стадионот „Алианц Ривиера“ на натпреварот од 20. коло на француската Лиг 1 што се одигра на 29 јануари.
Тамошните медиуми пренесуваат дека се работи за аматерски филм, но дека сепак има режисер и дека сето тоа започнува на трибините, а потоа продолжува во тоалетот на стадионот.
Кога видеото беше објавено во јавноста, дел од навивачите на Ница го препознаа стадионот и трибините на „Алианц Ривиера“, што веднаш стигна до челниците на клубот, кои веднаш покренаа постапка и побараа да се истражат сите околности под кои се случило тоа.
„ОГЦ Ница поднесе тужба против лицата кои снимија филм за возрасни во тоалетот на стадионот 'Алианц Ривиера'. Настанот се случи на 29 јануари за време на натпреварот против Лил“, се вели во клупското соопштение.