Во интернет гласање нашиот најдобар фудбалер убедливо го освои првото место со над 5 илјади гласови и се стекна со епитетот најдобар за изминатава сезона во својот клуб.
Посетителите на најпознатата веб-страница посветена на калчолигашот Џеноа, Pianetagenoa1893.net, го одбраа македонецот за свој најдобар играч за изминатата сезона 2019/20.
Пандев заврши убедливо на врвот пред Антонио Санабрија, играчот кој ги постигна головите за опстанок во последното коло, како и Данецот Ласе Шене.
- Горан Пандев (Македнија) – 5.047 гласови
- Антонио Санабрија (Парагвај) – 3254 гласови
- Ласе Шене (Данска) – 2783 гласови
Капитенот на македонската репрезентација сезонава одигра вкупно 34 натпревари во Серија А на кои постигна 9 голови и забележа 3 асистентии (2 за изнуден пенал, потоа реализиран), а на теренот помина вкупно 1.681 минута. Беше дел и од 1 натпревар во Копа Италија на кој ги одигра последните 19 минути.
Pianetagenoa1893.net после секое коло бира и играч на натпреварот во својот тим, а Пандев дури 7 пати го доби тоа признание. Посетителите го одбраа за најдобар на двата натпревара со Удинезе, потоа на оние против Сасуоло, Рома, Каљари, СПАЛ и Лече.
Пандев и наредната сезона останува на „Мараси“ да ги брани боите на популарните „Грифони“.
