Кариерата на Кристијано Роналдо треба да добие појасни контури по состанокот на португалскиот напаѓач со Манчестер Јунајтед.
Тој не присуствуваше во воведниот дел од подготовките со својот клуб, наведувајќи „семејни причини“. Светските медиуми пишуваат за неговата желба да го напушти клубот и како можна опција го споменуваат Атлетико Мадрид. Навивачите на шпанскиот клуб се против.
Роналдо не е омилен лик меѓу најжестоките навивачи на Атлетико, и поради головите што ги постигна за тој клуб додека го носеше дресот на ривалите Реал, и поради непримерниот гест што им го направи како играч на Јувентус откако со хет-трик го нокаутираше Атлетико во сезоната 2018/19 за вкупни 3:2 за торинскиот клуб.
Роналдо не го заборави потегот на Диего Симеоне кога Чоло се фати за меѓуножјето на првиот меч славејќи ја победата од 2:0, но ниту навивачите на Атлетико кои го навредуваа во текот на целиот натпревар со извици „Меси, Меси“. Португалецот одговори на овој начин…
Поради сето ова, идејата Роналдо да дојде во Атлетико е омразена кај навивачите на мадридскиот клуб, па оттука и кампањата на Twitter зад хаштагот „ContraCR7“, кој бара од клубот да не го носи. Се заканува откажување на годишните билети, шпекулации дека „попрво би изгубиле со Карлос Мартин во тимот отколку да победат со тој Португалец“.
„Никогаш во мојот тим, нашите вредности се над головите“, пишуваат луѓето во коментарите, меѓу кои големо внимание добиваат пораките: „Ние не сме азил и не прибираме ѓубре“.
