Голден Стејт Вориорс загуби од Лос Анџелес Клиперс на домашен терен во „Чејс Сентр“ со 130:125, но многу повеќе од самиот натпревар се зборуваше за потегот на Стеф Кари.
Главната ѕвезда на домашниот тим на загревањето шутираше на самиот излез од тунелот со една рака и постигна неверојатен кош „без коски“ на другата страна од теренот.
Кари во минатото покажа дека знае да постигне неколку луди кошеви од далечина, но со овој потег дефинитивно ја подигна границата уште повеќе.
Публиката сепак беше и тоа како воодушевена, а кадрите од различни агли јасно покажуваат колку овој потег е нереален.
Стеф Кари на крајот постигна 41 поен, но тоа не беше доволно за Голден Стејт да избегне пораз.
