Откриена е уште една сфинга од времето на древен Египет, овојпат при градежни работи за правење нов автопат во близина на археолошкото наоѓалиште Долина на кралевите.
Работниците престанале со копање откако ја виделе „статуата со лавовско тело и човечка глава“.
Подоцна сфатиле дека се работи за втората египетска сфинга што датира од 2500 година пред н.е. од времето на фараонот Кафре во Египет.
Мохамед Абел Азиз од Службата за антиквитети, рече дека допрва треба да се ископа статуата од земја.
Големата сфинга е најголемата и најпозната сфинга најдена досега на висорамнината Гиза покрај реката Нил во Египет.
Древните Египќани ја сметале сфингата за симбол на владетелите и фараоните биле погребувани во гробници што ги чувале сфинги со нивниот лик.
Со тоа се означувала нивната поврзаност со Секмет, божество на сонцето што се сметало дека е претставено како лавица.
Кон крајот на 2017 година историчарите сметаа дека Големата сфинга во Гиза е влез во таен подземен град што води кон огромна подземна метропола.