Чистењето на тоалетите во вселенските летала може да ги доведе научниците до интересни откритија. Доказ за тоа се непознати бактерии, отпорни на антибиотици, пронајдени во тоалети на вселенски летала од Меѓународната вселенска станица.
Студијата е објавена во списанието BMC Microbiology, а во неа е презентирано откритието на научници од калифорниска лабораторија кои анализирале неколку примероци на бактерии од тоалетите на вселенски летала. Идентификувани се 4 непознати видови на ентеробактерии отпорни на антибиотици и со кои често се заразуваат болнички пациенти со нарушен имунитет.
Научниците ја споредиле ДНК-та на новооткриените бактерии со повеќе од 1.200 видови ентеробактерии кои ги има на Земјата. Се покажало дека е најслична на еден вид откриен во болници во Африка. Новиот вид содржи повеќе од 100 гени поврзани со болести и со отпорност на антибиотици, но бактериите не претставуваат никаква закана по здравјето на астронаутите, но треба да бидеме внимателни.
Со компјутерска анализа се предвидува дека постојат 79 проценти шанса да еволуираат на начин на кој би можеле да предизвикаат болести кај луѓето во идните вселенски мисии. Сепак, експертите сметаат дека нема да можат да го разберат вистинскиот потенцијал на бактериита додека не ги проучат на живо тело во вселената.
